Денес продолжува судењето за несреќата со автобусот на Дурмо турс

Ново рочиште за трагичната автобуска несреќа со автобусот на Дурно турс, е закажано за денес во Кривичниот суд во Скопје. Во претходните рочишта сведочеа преживеани патници, жители на Ласкарци, возачи во „Дурмо турс“, а на последното минатата недела, вештак од Факултетот за електротехника кој учествувал во изготвување на вешт наод, според кој  автобусот бил технички неисправно, а главните неправилности биле во неефикасноста на системот за кочење.

За автобуската несреќа во која загинаа 16 лица, а 38 беа потешко повредени обвинети се шест лица. Сопственикот на „Дурмо турс“, возачот на автобусот и тројца вработени во станицата за технички преглед. Тие се товарат за тешки дела против безбедноста на луѓето и имотот во сообраќајот, додека едно лице е обвинето за несовесно работење во службата. Обвинението беше поднесено во месец јули.

Случајот го води судијката Диана Груевска Илиевска, а застапник на обвинението е јавниот обвинител Дарко Јакимовски.