Денес протест „Стоп Русино“ , во четврток средба со министерот за екологија

Гостиварци ја продолжуваат борбата за чист воздух и здрава животна средина. Блокадата на Русино трае повеќе од 50 дена, а за денес попладне закажан е мирен протест на кој уште еднаш ќе се крене гласот проитив претворање на Русино во регионална депонија за целиот Полог. Според најавите, протестниот марш ќе започне од пред општинската зграда, во 17 часот. Од граѓанската иницијатива ги повикаа гостиварци во што поголем број да им се придружат и да ја дадат својата поддршка за „Стоп Русино“. Присуство на протестот најави и градоначалникот Арбен Таравари.

Во четврток во Скопје граѓанските активисти и градоначалникот ќе остварат средба со министерот за екологија, Насер Нуредини, на кој ќе се разгледува проблемот и состојбите со депонирањето на отпадот.