Денес се слави празник во спомен на Св.Климент и Св.Пантелејмон

Денешниот датум, 9 август се празнува во спомен на Свети Климент Охридски, најпознатиот ученик на браќата Методиј и Кирил, како ден на неговото упокојување. Важи за голема фигура во христијанството и во просветителството. Го создал првиот словенски универзитет – Охридската книжевна школа. Имал голем број ученици коишто ги препишувале книгите со словенски букви за словенскиот народ. Вршел чуда и за време на земниот живот, а се верува дека неговите мошти и во денешно време  пројавуваат исцелителна сила. Св.Климент црквата го слави и на 8 декември.

Црквата денес го слави и светецот Пантелејмон, многу познат лекар и исцелител кој лечел од телесни и духовни болести. Лекарските вештини ги изучил во младоста, а подоцна пристапил и се поклонил на христијанството. Настрадал токму поради својата вера во Христа од безбожници кои му ја отсекле главата. Св.Пантелејмон чудотворел во текот на животот, а продолжил да исцелува и преку неговите свети мошти.

Именден денес слават: Панде, Панчо, Пантелеј, Панка…