Денешниот датум 02.02.2020 е редок палиндром

Овој факт ќе биде интересен не само за нумеролозите, туку и за сите оние кои сакаат да читаат занимливости и реткости. Денешниот датум 2 февруари 2020 година, или 02/02/2020 – е палиндром, што значи дека се чита исто од напред и од назад. Датуми палиндроми има и други, но ова е единствен случај на датум со ваков редослед во овој век, пренесува „Вашингтон пост“.

Еве зошто: Осумцифрениот датум е особено редок затоа што важи и во земјите, каде датумите се пишуваат како ден-месец-година, како и во земјите каде се пишуваат како месец-ден-година. Последен пат кога се случил таков палиндром било пред 909 години на 11.11.1111. Следниот пример ќе биде после 101 година, кога календарот ќе покаже 12/12/2121.