Денеска од 18 часот КК Гостивар го пречекува Вардар

По повеќе од месец дена пауза кошарката се враќа во спортската сала Младост во Гостивар. Денеска од 18 часот, во рамки на 13-тото коло од Првата македонска кошаркарска лига ќе се сретнат екипите на КК Гостивар и КК Вардар.

После големата победа над МЗТ Скопје во Скопје минатото коло, гостиварци сигурно самоуверено ќе влезат во натпреварот со претпоследно пласираната екипа на табелата. Избраниците на Србиноски нанижаа 9 победи и 3 порази во досегашниот дел од првенството. КК Гостивар е на делба на првото место на табелата, но поради тесната бодовна разлика дури помеѓу првите пет екипи секој поен на теренот е повеќе од потребен.

„Црвено црните“ се наоѓаат на 9. место на табелата со скор од 2 победи и 10 порази, младата екипа на Вардар има за цел да обезбеди опстанок сезонава и не така лесно ги даваат бодовите на теренот. Што е најава за борбен и возбудлив натпревар.

Покрај спортскиот дел, натпреварот ќе има им и хуманитарен карактер. Навивачката група Гемиџии организира собирање на финансиски средства за помош на Ивица Срезоски кој треба да замине на операција во Русија.