Денови на жалост во Маврово Ростуше и парична помош за погодените од земјотресот

На територијата на Општина Маврово Ростуште до 12 февруари се прогласени денови на жалост во знак на солидарност поради катастрофалниот земјотрес што ги погоди Турција и Сирија. Одлуката беше донесена на вонредна седница на Советот на општината Маврово и Ростуше.
„Едногласно од страна на сите советници беше одлучено деновите до 12. 02. 2023 година да се прогласат за денови на жалост во општина Маврово и Ростуше и знамињата пред седиштето на општината ќе бидат истакнати на половина копје. Едногласно од страна на сите советници беше усвоен предлогот да се додели финансиска помош во износ од 500.000 денари за настраданите во земјотресот. Искрено сочувствуваме со братските народи во Република Туркије и Сирија, изразуваме жалење за загубените човечки животи и посакуваме брзо оздравување на сите повредени лица.“, соопштија од локалната самоуправа.