Вести
Депресијата коси! Жените се поранливи
Во последните години во Македонија, постојано расте бројот на граѓани кои се соочуваат со депресија. Во пресрет на Светскиот ден на здравјето 7 април, Институтот за јавно здравје излезе со статистика за состојбата со оваа болест меѓу македонското население.
Во изминатите пет години, бројот на депресивни се зголемил за над 35%. Помал дел се лекуваат болнички, но значително е поголем бројот на оние кои добиваат амбулантски третман и терапија во домашни услови. Податоците покажуваат дека жените почесто страдаат од депресија.
Лекарите предупредуваат дека луѓето кои подолго време имаат симптоми на депресија, не треба да посегнуваат по лекови за смирување на своја рака, туку мора да побараат медицинска стручна помош. „Депресијата влијае на луѓето од сите возрасти, во сите сфери на животот, во сите земји. Таа предизвикува ментална болка и влијае на луѓето така што им ја намалува способноста за извршување дури и на наједноставните секојдневни задачи. Понекогаш може да има и катастрофални последици во однос на семејните и пријателските релации и може да влијае и на можноста за обезбедување на егзистенцијата. Во најлош случај, депресијата може да доведе до самоубиство“, се вели во соопштението од Институтот за јавно здравје.
Како ризик фактори за депресивност се наведуваат:сиромаштијата, невработеноста, животни настани како што се смртта на некој близок, раскинување на блиски врски, физичка болест и последици предизвикани од употреба на алкохол и дрога.
Светскиот ден на здравјето годинава е посветен на оваа болест, а мотото гласи „Депресија, ајде да зборуваме!“
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар