Десерт кој се подготвува за 30 минути – колач со моркови, цимет и чоколадо

Ако бараш брз и вкусен десерт што ќе го освои целото семејство, тогаш овој колач со моркови и чоколадо е вистинскиот избор. Комбинацијата на сочни моркови, цимет и растопено чоколадо создава неодолива арома и вкус. А најдобриот дел е дека за овој вкусен десерт се потребни само 30 минути!

Потребни состојки:

• 250 г брашно
• 1 прашок за пециво
• 3 моркови, со средна големина
• 100 г шеќер
• 100 мл масло
• 300 мл млеко
• 1 лажичка цимет
• 100 г чоколадо за готвење

Подготовка:

Излупете го и изрендајте ги морковите. Ставете ги ренданите моркови, маслото, млекото и шеќерот во блендер и блендирајте додека не добиете мазна смеса.

Во друг сад измешајте го брашното и прашокот за пециво, па додадете ја смесата од блендерот и измешајте.

Префрлете сè на плех обложен со хартија за печење.

Печете го колачот околу 25 минути во загреана рерна на 180 степени. Проверете со чепкалка за заби дали колачот е печен.

Оладете на собна температура и прелијте го со растопено чоколадо.

Уживајте!