Десерт од соништата – сочен колач со шумско овошје

Овој десерт се подготвува на едноставен начин, а е толку вкусен што веднаш ќе стане омилен за целото семејство. Идеален е за летно време, кога поради жештините треба да се јаде полесна храна.

Состојки:

3 јајца

100 гр шеќер

100 гр путер

8 лажици млеко

250 гр брашно

половина кесичка прашок за пециво

450 гр замрзнато шумско овошје

Подготовка:

Најпрво изматете ги добро жолчките и шеќерот, а потоа додадете го и путерот. Додека се уште матите, додавајте ги млекото, брашното и прашокот за пециво. На крај изматете ги белките од јајцата рачно и додадете ги во смесата.

Распоредете ја рамномерно смесата во плех или калап за колач, а одозгора истурете го овошјето. Се пече околу 20 минути на 200 степени. Кога ќе се испече, посипете со шеќер во прав.