Десерт за рефреш – мафини со лимон

Ова е идеален десерт за летниот период. На високите температури не се јаде „тешка“ храна, особено не благо со многу чоколада и разни филови. Затоа, љубителите на слатките задоволства ќе бидат воодушевени од овие освежувачки, а вкусни мафини со лимон.

Состојки:

2 јајца

150 гр. маргарин

150 гр шеќер

2 лимона

225 гр. брашно

25 гр. густин

1 лажичка прашок за пециво

1/2 лажичка сода бикарбона

200 гр. сварен и изладен пудинг од ванила

125 гр. шеќер во прав

Подготовка:

Загрејте ја рерната на 200 степени. Во длабок сад со миксер изматете ги добро маргаринот, шеќерот и жолчките од јајцата. Измијте ги убаво лимоните и изрендајте ја кората. Исто така, од нив исцедете 5 лажички сок. Кората и сокот ставете ги во смесата. Во друг сад ставете и измешајте  ги брашното, густинот, прашокот за пециво и содата. Од белките изматете шлаг и постепено додавајте го во садот со брашно, постојано мешајќи. Соединете ги двете смеси и наредете во калапи за мафини. Печете околу 20 минути.

Кога ќе се изладата на секој мафин внимателно направете дупче и во него налејте пудинг. Одозгора посипете со шеќер во прав.