Детали од официјалното упатство за вакцината СПУТНИК – мерки на претпазливост, реакции…

Денес во салата „Борис Трајковски“ во Скопје почнува имунизација против ковид на вработени во МВР, АРМ, јавни служби под ризик, новинари и др. со руската вакцина СПУТНИК. Во упатството за вакцината, објавено на официјалната страница kovid19vakcinacija.mk детално се појаснети мерките на претпазливост, несаканите реакции и информации околу начинот на чување, аплицирање на дозата и слично.

Во однос на ефикасноста се наведува дека клиничките епидемиолошки студии се во тек, а според досегашната анализа, ефикасноста е над 91%.

Во продолжение пренесуваме дел од упатството како и линк кадешто може да се прочита во целост.

Контраиндикации

1.Преосетливост на која било компонента на вакцината или вакцина која има слични компоненти;

2.Тешки алергиски реакции во минатото;

3.Акутни инфективни и незаразни болести, влошување на хронични заболувања – вакцината треба да се администрира 2-4 недели по закрепнувањето или ремисијата. Кај лесни акутни респираторни вирусни инфекции или акутни гастроинтестинални инфекции, вакцината се администрира по нормализирање на температурата на телото

4.Бременост и доење;

5.Возраст до 18 години (поради недостаток на податоци за ефикасност и безбедност)

Мерки на претпазливост

Вакцината треба да се користи со претпазливост во случаи на хронично заболување на црниот дроб и бубрезите, ендокрини пореметувања (видливи аномалии на функцијата на тироидната жлезда и дијабетес мелитус во фаза на декомпензација), сериозни болести на хематопоетскиот систем, епилепсија и други болести на ЦНС, акутен ко ронарен синдром и акутни цереброваскуларни состојби, миокардитис, ендокардитис, перикардитис.

Поради недостаток на податоци, вакцинацијата може да претставува ризик за следните групи на пациенти:

• со автоимуни болести (стимулација на имунолошкиот систем може да доведе до егзацербација на болеста, и затоа треба да се биде посебно претпазлив кај овие пациенти);
• со автоимуно нарушување што има тенденција да доведе до сериозни и опасни по живот состојби;
• со малигни неоплазми.

Одлуката за вакцинирање треба да се заснована проценка во односот корист/ризик кај секоја специфична ситуација.

Несакани реакции

Несаканите реакции специфични за употребата на вакцината, откриени во клинички испитувања и студии на други вакцини врз основа на слична технолошка платформа, претежно се со лесна или средна тежина и може да се развијат во текот на првиот или вториот ден по вакцинирањето и обично се намалуваат во рок од 3 дена.

Најчестите вклучуваат краткотрајни општи реакции(синдром сличен на грип кој се карактеризира со студ, треска, артралгија, мијалгија, астенија, нелагодност, главоболка) или локални реакции (осетливост на местото на инјектирање, хиперемија, оток). Нестероидни антиинфламаторни лекови(НСАИЛ) се препорачуваат во случај на треска по вакцинација и антихистаминици за изразени локални реакции. Помалку честите реакции вклучуваат гадење, диспепсија, губењенаапетит,повремено-зголемени регионални лимфни јазли. Некои пациенти може да развијат алергиски реакции.

ЛИНК до целото упатство.