Вести
Децата преку цртежите ги изразуваат своите чувства
Многу истражувања покажале дека цртежот како средство преку кое детето се изразува е тесно поврзан со психофизичкиот развој на детето.
Првите истражувања во таа насока ги направил F.Goodenough низ својата техника „ Цртање на човечка фигур “. Својот тест го насочила во правец на тестирање на менталната здрелост и е погоден за тестирање на деца од третата до тринаесетата година. Искуството на Гудинаф покажало дека до три години децата шкртаат низ листот, првиот облик на човек може да се забележи кај деца од три годишна возраст во почетокот нивниот цртеж се состои од круг. На четиригодишна возраст детето кругот го исполнува со цртање на очи и уста. Деца на пет и шест годишна возраст освен глава ги цртаат телото и нозете, но изостануваат рацете. На седумгодишна возраст се појавуваат рацете, ушите, стопалата и прстите на рацете. Осумгодишните деца ги поврзуваат деловите во целина. Во цртежите кај деветгодишните деца може да се направи разлика помеѓу машката и женската фигура.
Од анализата на цртежот се добиваат голем број на податоци, покрај проценка на менталната зрелост се добиваат податоци кои се однесуваат на психичкиот развој на детето. Покрај цртежот на човечка фигура, F.Minkowska на децата им дала да нацртаат „Моето семејство, јас, мојата куќа “. Во тие цртежи се оценува улогата на поедини членови на семејството, нивните меѓусебни односи. При анализа на овие цртежи не се зема во предвид само конкретниот цртеж туку целокупното однесување на детето додека црта. Со помош на оваа техника Минковска акцент става на личните црти, конфликтите, емотивните ставови на особата која се тестира.
Во детските цртежи доаѓаат до израз детските чувства, конфликтите коишто ги имаат во контактот со другите лица, емоционалната напнатост како и други лични проблеми. Детскиот цртеж се користи и како психотерапевтско средство, преку него доаѓаат до израз, душевните проблеми, нерешени емотивни конфликти кои се многу важна појдовна точка во психотерапијата.
(следува: Развојот на детскиот цртеж)
пишува: м-р Слаѓана Ангелкоска, психолог
Советувалиште за брак и семејство,
Центар за социјална работа – Гостивар
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар