Девет лица со симптоми на труење ноќеска завршиле на инфективно во Гостивар

Девет млади лица вчеравечер биле пренесени на инфективното одделение во Гостивар поради симптоми на труење со храна. Како што информира за Gostivarpress.mk инфектологот д-р Ратко Наумоски, во моментот на хоспитализацијата кај неколкумина од нив симптомите биле посериозни, но по добиената терапија сите во подобрена и стабилна состојба се пуштени дома.

„Првиот пациент беше примен во 21.45 часот, хоспитализиравме вкупно девет. На сите им беше дадена соодветна терапија и до утрово во стабилна состојба се пуштени на дома. Пациентите имаа симптоми на труење со повраќање, дијареа, грчеви во стомакот и малаксаност, за среќа успеавме да ги рехабилитираме сите.“, изјави д-р Наумоски.

Екипа од Центарот за јавно здравје зела примероци за испитување и извршила анкета со пациентите, по што ќе се утврдува причината за труењето.