Девојките на ЖКК Гостивар во нов поход во Првата лига

Викендов започнува првенството во Првата кошаркарска лига и во женска конкуренција, сезона 2019/2020.

Женскиот кошаркарски клуб Гостивар е помеѓу дванаесетте екипи, кои годинава ќе се борат во ова натпреварување. За гостиварските девојки после минатогодишната премиерна сезона во која оставија силен впечаток, ова ќе биде втора сезона по ред во најелитното кошаркарско натпреварување во женска конкуренција.

Првенството започнува утре, во првото коло гостиварки ќе гостуваат на Пробаскет академија во Скопје. ЖКК Вардар е бранител на титулата сезонава, a за ЖКК Гостивар амбициите се што повисок пласман на табелата.

Вреди да се спомене фактот, сите кошаркарки на ЖКК Гостивар освен најновото засилување Ивана Харбов, се девојки од Гостивар и потекнуваат од гостиварската кошаркарска школа.

Боите на Женскиот Кошаркарски клуб Гостивар сезонава ќе ги бранат:

Моника Бадиоска, Фросина Петреска, Божица Стојаноска, Стефанија Цветаноска, Глорија Божиноска, Патриција Лазареска, Тамара Волческа, Ангелина Крстеска, Маргарита Димитриеска, Селин Ердоган, Јована Јованоска, Мелиса Мемедоска, Анамарија Анѓелкоска, Марија Брајкоска, Анастасија Јовческа, Ивана Харбов. Тренер на екипата е Кире Анастасоски.