Дезинфициран гостиварскиот дел од магистралата по зголемената фреквенција на возила пред викенд карантинот

Превентивно синоќа, екипи на гостиварското јавно претпријатие Комуналец извршија дезинфекција на дел од сообраќајницата Гостивар-Кичево, поради зголемената фреквенција на возила пред викенд-каратинот.

„Сметавме дека е разумно да се направи миење и дезинфекција на патот, заради фактот што возилата доаѓаа главно од подрачје со висок ризик од „Ковид-19“, како скопскиот регион. Ние како претпријатие ги дезинфициравме не само улиците, туку и поголем дел од зградите за колективно домување, во време кога бројот на заразени беше значително помал и на локално и на државно ниво“, се вели во изјавата на техничкиот директор на ЈП Комуналец, Фатон Абдулаи која ја пренесе општинскиот сектор за информирање.

Во четвртокот, неколку часа пред да почне карантинот, колони возила од Скопје и Тетово се упатија накај туристичките места Маврово, Охрид и Струга.