Дезинсекција на подрачје на Гостивар, пчеларите да ги заштитат пчелите

Општина Гостивар информира дека на 29 јули навечер ќе се реализира втората терестичка дезинсекција на подрачјето на општината за уништување на возрасните форми на комарци и останати штетници.

„Дезинсекцијата ќе се изведува навечер после 24:00 часот до раните утрински часови, само под поволни временски услови, ако случајно времето е врнежливо или е со јак ветер дезинсекцијата се одложува за утредента или евентуално за некој нареден ден со поволни временски услови. По претходно изготвен план за динамиката на активностите, техничка спецификација, ќе бидат поминати локациите наведени во барањето. За дезинсекцијата ќе се употреби средството KULFAK 2 EC во концентрација пропишана по упатство за употреба во однос 50 мл /1л. За ова, навремено ја известуваме јавноста за времето и начинот на спроведувањето на дезинсекцијата и за мерките за заштита што треба да ги преземат граѓаните, а со посебен акцент се апелира до пчеларите за да ги заштитат нивните пчели.“, стои во соопштението.