Поврзи се со нас

Парламентарни избори 2024

ДИК ги додели уверенијата за пратенички мандати

Објавено

на

Државната изборна комисија денеска ги додели Уверенијата за пратеници за потврдените пратенички мандати.

Уверенијата ги земаа овластените претставници од Коалицијата предводена од ВМРО-ДПМНЕ, Коалицијата предводена од СДСМ, oд Коалицијата Вреди, Левица и овластениот претставник од Знам. Од Коалицијата предводена од ДУИ не се појави овластен претставник да ги земе уверенијата за пратеници.

Ѓорѓија Сајкоски, генерален секретар на ВМРО-ДПМНЕ по земањето на уверенијата од ДИК истакна оти смета дека до 28 мај да се формира Собранието, а до средина на јуни новата влада.

-Денеска по покана на ДИК ги подигнавме мандатите на пратениците на ВМРО-ДПМНЕ и нивните уверенија. Со добивањето на уверенијата, до 28 мај очекуваме да се формира Собранието на Република Македонија, до средината на јуни очекуваме да ја имаме и новата влада во Република Македонија. Сакам да изразам огромна благодарност до граѓаните на Македонија, за поддршката што ја дадоа на ВМРО-ДПМНЕ и за големата одговорност сакам да посочам дека ова е голема одговорност за нас како пратеничка група, како ВМРО-ДПМНЕ. Но, сакам да укажам дека ќе ја оправдаме оваа нивна дадена одговорност, рече Сајкоски, кој беше носител во ИЕ5.

Прашан што очекуваат од утрешното прегласување и како одговара на наводите од ДУИ дека се работи за еден изборен инженеринг за да се одземат два нивни мандати, Сајкоски истакна дека тоа  фактички е трето гласање и оти веруваме дека уште повеќе ќе расте поддршката за ВМРО ДПМНЕ.

-Очекуваме дека ќе имаме уште еден пратеник од ИЕ5. Во врска со обвинувањата за изборен инежеринг, можам да укажам дека и ДИК, и претставниците наши овластени, и забелешките што ги дадоа,  меѓутоа и Управниот суд укажаа дека има нерегуларности во гласањето во избирачките места, рече Сајкоски.

Тој додаде дека не очекува да има никакви проблеми во текот на гласањето и оти очекувам да се зголеми поддршката за ВМРО ДПМНЕ и за нивниот кандидат.

-Очекувам дека ќе имаме уште еден кандидат, уште еден пратеник на ВМРО ДПМНЕ во ИЕ5, рече Сајкоски.

Во име на СДСМ и Коалицијата уверенијата за пратеници ги подигна Бранко Георгиевски, а за Коалицијата Вреди Башким Хасани.

Георгиевски, овластен претставник на Коалицијата за Европска Македонија предводена од СДСМ, само кусо им честиташе на сите учесници во изборниот процес и на сите граѓани на покажената зрелост, поаскувајќи успех во работата на идниот парламент.

Хасани пак, упати благодарност до ДИК,  и до сите сите граѓани кои учествуваа на овие избори, а им се заблагодари и на гласачите Албанци за, како што рече, досега освоените 13 мандати за пратеници.

Јована Мојсовска, овластен претставник од Левица по земањето на уверенијата за пратенички мандати истакна дека во наредниот мандат со трикратно поголеми сили ќе се спротивстават на, како што рече, естаблишментските партии во Парламентот.

Овластениот претставник на ЗНАМ Даниел Стојчевски откако ги зема уверенијата за пратеници истакна дека ДИК си ја завршила работата како што треба, иако како што рече, имало некои проблеми со уредите за идентификација со отпечатоци од прст.

-Тоа се надмина и се надевам дека веќе нема да има такви проблеми, рече Стојчевски.

Државната изборна комисија (ДИК) на 18 мај ги соопшти освоените мандати за пратеници во новиот парламентарен состав по изборите одржани на 8 мај годинава. Како што информираше претседателот на ДИК, Александар Даштевски, за изборните единици 5 и 6 каде на одредени избирачки места ќе треба да се прегласува, резултатите се добиени со симулација и посебна техника врз основа на Донтов модел и со нив се опфатени пратениците влегуваат во Собранието. По прегласувањето, ДИК со посебен заклучок ќе ги објави дополнителниот број освоени мандати.

Во ИЕ 1, коалицијата „Твоја Македонија“ предводена од ВМРО-ДПМНЕ има 10 мандати, коалицијата „За европска иднина“ – СДСМ три мандати, Левица два, коалицијата „Вреди“ два мандата, коалицијата „Европски фронт“ два мандата, додека Движењето ЗНАМ еден мандат. Во ИЕ 2, коалицијата „Твоја Македонија“ предводена од ВМРО-ДПМНЕ освои осум мандати, коалицијата „Европски фронт“ – ДУИ четири, коалицијата „Вреди“ три, ЗНАМ два, коалицијата „За европска иднина“ два  и Левица еден мандат.

Во ИЕ 3, коалицијата „Твоја Македонија“ предводена од ВМРО-ДПМНЕ освоила 14 мандати, коалиција „За европска иднина“ четири, Левица еден и ЗНАМ еден мандат. Во ИЕ 4, коалицијата „Твоја Македонија“ предводена од ВМРО-ДПМНЕ  има 13 мандати, коалиција „За европска иднина“ – СДСМ пет, Левица еден мандат и ЗНАМ еден мандат.

Во седум избирачки места во изборните единици 5 и 6 денеска гласаат болни и изнемоштени лица, како и затвореници пред утрешното прегласување за парламентарните избори во седум избирачки места.

Прегласување ќе се спроведе на избирачките места 2101 во Желино,1194 во Крушево, 1202 исто така во Крушево, 1272 во Охрид, 1470 во Долнени, 1470/1 исто така во Долнени, како и во 1844 во Струга.

 

 

Сподели ја веста:

Маркетинг

Advertisement
Advertisement
Advertisement

Огласи за вработување:

Гостиварпред 2 недели

Стани успешен техничар за е-трговија, дигитален маркетинг и угостителство, сметководител, банкар, правник – запиши се во СЕОУ Гостивар

Македонијапред 4 недели

Нови цени на горивата од полноќ!

Видео емисиипред 2 недели

Гледајте денес – Видео интервју со д-р Стојо Бошкоски

Гостиварпред 2 недели

MINT fintech group и во Гостивар: Менувачница, Осигурување, Инвестициски решенија, Дигитални плаќања, Кредити..

Гостиварпред 4 недели

Духот на работните акции живее и денес, Здружението на акцијаши Гостивар верно на мисијата

Гостиварпред 2 недели

Автомобил излетал од патот Гостивар – c.Беловиште и паднал во Лакавичка река

Рецептипред 4 недели

Домашен сок од цреша по рецепт на нашите баби

Гостиварпред 4 недели

Во пресрет на доаѓањето на печалбарите подготовки и мерки за ред во сообраќајот

Гостиварпред 3 недели

Неуморен автор! Гостиварецот Кипроски промовира уникатна и ретка монографија

Гостиварпред 3 месеци

Света архијерејска Василиева литургија во Гостивар со гости од Србија и чин на ракоположување

Гостиварпред 3 месеци

Со љубов и почит кон корените – „Танец“ одржа концерт во Гостивар

Гостиварпред 5 месеци

Водици 2024 Гостивар: Осветени водите на Вардар – Бог се јави, Навистина се јави!

Гостиварпред 6 месеци

Ангелчињата во Гостивар го најавија Христовото раѓање-Бадникова поворка 2024

Спортпред 7 месеци

По првиот круг од сезоната КК Гостивар „виси“ на 8-та позиција на табелата

Спортпред 7 месеци

Кехинде од пенал му пресуди на Македонија Ѓорче Петров 1-0

Гостиварпред 10 месеци

Стефановски: Гостивар одличен како домаќин и публика, благодариме од срце!

Спортпред 10 месеци

ФК Гостивар загуби на домашен терен од Силекс 1-2

Гостиварпред 11 месеци

Осветена црквата „Св.Климент Охридски“ во Пожаране: Да го чуваме православието, секој храм е парче небо на земјата!

Advertisement

Популарно изминативе 100 дена