Поврзи се со нас

Гостивар

ДИК го отфрли барањето на Чулев за поништеното решение за началник на СВР Тетово

Промените на раководното место во СВР Тетово изминатата недела беа многу актуелни во јавноста, откако беше поставен нов началник, па за само неколку дена вратен претходниот.

Техничкиот министер за внатрешни работи Наќе Чулев го именуваше Гоце Јанкулоски за нов началник на тетовскиот сектор, но Владата го поништи решението, со што началник повторно стана Амир Далипи.

Чулев побара Државната изборна комисија да го разгледа случајот со поништеното решение, односно да ја оцени неговата законитост. ДИК на седница вчера го отфрли барањето,  посочувајќи дека тоа е во надлежност на Државната комисија за спречување на корупција.

Разршувањата и именувањата стигнаа и до обвинителството.

Основното јавно обвинителство Скопје ги проверува наводите на техничкиот министер Чулев за да утврди дали има неправилности кои би упатиле на извршено кривично дело кое се гони по службена должност. „Со таа цел, надлежниот јавен обвинител поднесе барање до Владата на РСМ за обезбедување на потребните податоци и писмени докази кои се однесуваат на наводите.“, соопшти обвинителството

Претходно, до Основното јавно обвинителство Скопје од страна на дополнителниот заменик на МВР била поднесена кривична пријава против техничкиот министер за кривично дело – Злоупотреба на службената положба и овластување.  Пријавата се однесува на донесената телеграма од 08.01.2020 година од страна на техничкиот министер со која се известуваат раководителите на организациони единици во МВР дека решенијата за распоредување потпишани од поранешниот министер за внатрешни работи кои не се врачени, не треба да им се врачуваат на вработените на кои се однесуваат.

Во поглед на оваа кривична пријава, надлежниот јавен обвинител издаде наредба да се направат проверки до Министерството за внатрешни работи, до техничкиот министер и до дополнителниот заменик на министерот од кои се бара да достават релевантни податоци и да приложат писмени докази.

Сподели:
Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!