Димовски: Ќе се залагам за максимални европски стандарди за слепите лица во Гостивар

Носителот на советничката листа за Гостивар од ВМРО-ДПМНЕ, Гоце Димовски денес беше во посета на Здружението за слепи и лица со оштетен вид „Реалност“ во Гостивар. На средбата со членовите на Здружението се разговараше за потребите и барањата на слепите граѓани, за кои Димовски им даде ветување дека максимално ќе се залага да бидат исполнети.

„По повод Меѓународниот ден на белиот стап остварив средба со Здружението на слепите лице во Гостивар каде што разговаравме за унапредување на условите за движење и превоз. Целта е како локална самоуправа да не се исполнуваат минимални,  туку максимални европски стандарди, кои ќе го унапредат квалитетот на живот на оваа категорија граѓани.“, рече Димовски.