До 50 евра казна за пешаци кои претрчувале улици во Гостивар, ќе одат и на час по сообраќајна култура

Секторот за внатрешни работи Тетово извести дека продолжува со континуирани контролни активности за поголем ред и безбедност во сообраќајот во Полошкиот регион. Вчера (14 декември) од 8 до 12 часот спроведена е акциска контрола на пешаци, во која вкупно биле откриени и санкционирани 46 прекршоци (Тетово-28 и Гостивар-18). Најголемиот број од прекршоците се однесувале на преминување на улиците надвор од обележани пешачки премини.  На сите пешаци-прекршители изготвени им  се соодветни поднесоци и ќе се соочат со законски предвидените парични глоби, а ќе бидат повикани и на таканаречена сообраќајна поука, со напомена дека глобите зависно од видот и карактерот на прекршокот се движат од 20 до 50 евра во денарска противвредност, информира полицијата.

Покрај ова, биле санкционирани уште 5 други видови сообраќајни прекршоци.

СВР Тетово уште еднаш со апел до пешаците да внимаваат кога и каде ги преминуваат улиците и како се движат на улиците и патиштата на кои нема обликувани тротоари. На возачите,пак, им се укажува секогаш задолжително да им даваат предност, односно првенство  на пешаците и да не ја доведуваат нивната, но и сопствената безбедност.