“Добредојдовте иселеници” годинава со богата музичка, спортска и културна програма во Гостивар

Општина Гостивар во знак на добредојде на иселениците ќе организира повеќе културно-забавни и спортски активности. Од локалната самоуправа велат дека ќе се потрудат да им овозможат пријатен престој во родниот крај за време на летните одмори.

Под мотото “Добредојдовте иселеници” ќе се одржат неколку разновидни културни проекти кои имаат финансиска и логистичка поддршка од Општината.

„The Park Festival, “Fly Hike and Bike”, New Stars Are Coming”, Концерт со Илахии, Стенд ап комедија со Хасим Мемиши Сопи, како и манифестација посветена на Илинден““, се настаните кои се најдоа на годинешната агенда, информираше соработничкта за култура при Општина Гостивар, Имерлије Салиу.

„Важно е да се напомене дека во овие активности се вклучени сите етнички групи кои живеат во нашата општина без исклучок, како и сите верски зедници.“ истакна г-ѓа Салиу.

Таа појасни дека во рамките на активностите е и проектот од Здружението Заедно Можеме, насловен “Спортот не обединува” каде учесници ќе бидат лица со посебни потреби. Како и научна конференција на тема “Етнокултурата во гостиварскиот крај”