„Добри меѓуетнички односи и заштита на животната средина се наши стратегисти обврски“, изјави Стојаноска од ВМРО ДПМНЕ

Носителот на листата во ИЕ 6 од коалицијата „Обнова на Македонија“ предводена од ВМРО ДПМНЕ, Дафина Стојаноска, денес заедно со дел од кандидатите за пратеници беше во посета на тетовската “Шарена џамија”, од каде порача:

„Заедно со кандидатите за пратеници: Фуркан, Ајдоган, Анита и Валентина ја посетивме “Шарена џамија”, веднаш покрај самата река Пена. “Шарена џамија” и Пена се едни од најубавите и најзначајните обележја на градот Тетово.
Денес тие не’ потсетуваат и опоменуваат дека, не само што се наша гордост, туку треба да се и наша обврска.
Затоа, ќе потсетам на две од шесте стратегиски обврски на ВМРО-ДПМНЕ во проектот “Обнова”, за периодот 2020-2024 година, а тоа се: Одржување на добри меѓуетнички односи, врз принципите на меѓусебна толеранција и почитување, и секако, еднаквост на сите пред законите како и заштита и унапредување на животната средина. Се обрзуваме за исправена Македонија.“, рече Стојаноска.