Доделување на признанија и свеченост по повод Денот на општина Гостивар

Со повеќе активности како прием на гости, доделување на признанија и прогласување почесен граѓанин, локалната самоуправа на Гостивар го прославува Денот на општината, 23 Декември.

Активностите ќе започнат со прием на градоначалникот на општина Улцињ, Омер Бајрактари и амбасадорката на Црна Гора, Марија Петровиќ при што ќе биде потпишан Меморандум за соработка, односно збратимување на двете општини. Потоа ќе следува  манифестација, на која е најавен говор на градоначалникот Арбен Таравари и доделување на признанија на поединци за афирмација на градот, како и прогласување на почесен граѓанин на Гостивар.

„Кога јас и мојот тим ја преземавме оваа зграда, имавме за цел да ја претвориме оваа институција достапна подеднакво исто до сите граѓани, а денес 5 години од нашиот мандат, сакам да искажам благодарност до секој член на мојот тим, а истото така јас лично секогаш ќе ви бидам благодарен што ми ја дадовте таа чест и привилегија да работам за овој град што ме прави дополнително горд што сум негов син!“, напиша утрово на фејсбук Таравари по повод Денот на општината.