Гостивар
Документарецот на Хајдар Хајдари од Гостивар првонаграден на интернационален фестивал
Гостиварецот Хајдар Хајдари, освои прва награда за документарен филм на меѓународен фестивал во Калабрија, Италија. Хајдар повеќе од една деценија професионално се занимава со музика, а филмот што го режира ја раскажува токму приказната за неговата музичка кариера и бендот, настапите, создавањето на песните особено во делот на спојувањето на модерното со традиционалното и слично.
„Документарниот филм се вика „Albanian soul“ и во него се опфатени почетоците во музиката, мои и на бендот, како и нашите најсупешни моменти. Професионално со музика со мојот бенд сум од 2011-та и до сега сме снимале петнаесетина авторски песни и еден албум, кој излезе минатата година. Свириме поп-рок музика, во која внесуваме елементи од традиционалниот албански мелос. Во документарецот се раскажува како традиционалната стара албанска музика не‘ мотивира да ги создадеме нашите песни.“, вели Хајдар.
31 годишниот гостиварец ја доби наградата во конкуренција на повеќе учесници од различни земји. „За мене оваа награда е многу значајна, и како режисер и како пејач. Ова е прва моја меѓународна награда и ќе ме мотивира да работам повеќе на моите песни и текстови, а и како режисер“, вели Хајдар.
Наградата ја доделуваат синдикатот на новинари и средното научно училиште „Леонардо да Винчи“ од Калабрија, со уметниците од катедрата за сликарство на Академијата за ликовни уметности од Венеција за организаторот културно здружение „Teatro del Mediterraneo“.
Фестивалот „Медитерански искуства“ на кој Хајдари го освои првото место годинава се одржа по 18 пат. Заради ковид пандемијата настанот се организираше онлајн.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
БРАВО! Руфија Идризовска од Гостивар со просек 10,00 најдобар студент на ПМФ и Институтот за хемија
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник