Гостивар

Долга традиција на незаменлив вкус, „Ла Шишко“ со нов локал во Гостивар

Објавено

пред 4 месеци

на

17/06/2024

Од

Gostivarpress.mk

Препознатливи по врвниот квалитет на производите и беспрекорната услуга, „Ла Шишко“ го проширија својот капацитет со нов локал во Гостивар.

Слаткарницата со сигурност ќе стане омилено место на граѓаните од сите генерации за освежување со вкусен сладолед, лимонада, кафе или залак задоволство со кроасани и други пекарски специјалитети. Покрај вкусните производи, новиот локал нуди пријатна атмосфера и одлична услуга, создавајќи совршено место за релаксација и уживање.

Мајсторското писмо на семејството Шишко, кое датира од 1931 година.

„Ла Шишко“ остануваат верни на традицијата која датира од 1931 година и содржи интересна и инспиративна приказна.

„Нашата фирма беше основана во 1931 година со првата слаткарница на мојот дедо Јусуф Шишко во Белград, Србија. После тоа, мојот татко и јас, продолживме со ова занимање. Во тој период, на 18-годишна возраст, се преселив во Босна и Херцеговина како инструктор за пекарство. По работењето таму, одлучивме да отвориме пекарница во Гостивар за да ја прошириме нашиот бизнис, истовремено, работев и како пекар во Белград. После тие години, отворив сопствена пекарница во Гостивар и направив идни чекори за нашата фирма, која е создадена и продолжува да постои со силата на семејните врски. Сега мојата сопруга и моите ќерки заедно со мене го водат нашиот бизнис држејќи се до нашите традиции. Сакам да додадам дека токму овие семејни врски, со придонес од сите нас, нè доведоа до денешниот ден. Благодарност до моето семејство, вработените и најважното до клиентите. Ве очекуваме во нашите локали во Гостивар.“, вели сопственикот Муамет Шишко.

Новиот локал, кој официјално започна со работа денес, се наоѓа на улица „Илинденска“.

„Во слаткарницата нудиме многу добар, квалитетен сладолед, кроасани и вкусни пекарски специјалитети. Секогаш се трудиме да го дадеме најдоброто за нашите клиенти, тоа што нашата фирма има скоро 95 години историја е доказ за нашата посветеност“, вели менаџерката Мелек Шишко.

Вреди да се напомене дека во локалите „Ла Шишко“ во секое време бесплатно се нудат сладолед и пијалоци за трудници, лица со посебни потреби и деца без родители.