Домашен протеински леб – здрав и вкусен избор без вишок јаглехидрати

Ако барате здрав и вкусен леб богат со протеини, овој рецепт е идеален за вас! Протеинскиот леб е одлична алтернатива за оние кои сакаат да намалат јаглехидрати, а притоа да уживаат во хранлив и заситувачки оброк. Подготвен со сирење, бадеми, ленени семиња и овес, овој леб е совршен за појадок или ужина.

Рецепт за протеински леб

Овој леб е идеален за оние кои се држат настрана од јаглени хидрати.

• 300 гр. сирење со малку маснотии
• 100 гр. мелени бадеми
• 100 гр. ленено семе
• 100 гр. мелен овес
• 1 лажичка сол
• Половина кесичка прашок за пециво
• 8 белки
• 2 лажици сусам
• 2 лажици семки од тиква (опционално)
• 2 лажици семки од сончоглед (опционално)

Подготовка:
Во длабок сад измешајте ги сувите состојки: мелените бадеми, леното семе, овесот, сусамот, солта, прашокот за пециво и семките. Додадете ги лесно изматените белки како и сирењето и убаво измешајте.

Земете издолжен плех и обложете со хартија за печење и ставете ја смесата. Израмнете со лажица, посипете уште малку сусам, па ставете го плехот во загреана рерна на 180 степени и печете 50 до 60 минути.

Откако ќе се испече лебот, ставете го на решетка да се излади пред да го исечете.