Домашна пита со компир

Во услови кога поголемиот дел од времето го поминуваме дома, готвењето и пробувањето на нови рецепти може да биде креативна активност што ќе ни го одвлече вниманието од лошите вести. Овој викенд ви предлагаме да подготвите пита со компир.

Состојки:

– 400 мл вода

– 600 гр. брашно

– 2 лажици масло за тесто

– 6 средни компири

– 1 главица кромид

– сол, црн пипер

– масло за фил

Подготовка:

Замесете тесто од вода, брашно, масло и малку сол. Потоа, тестото поделете го на два дела и оставете ги на набрашнета работна површина покриени со крпа да отстои околу 20 минути.

За тоа време излупете го компирот и изрендајте го, ситно исецкајте го кромидот и додајте сол и црн бибер. Измешајте ги компирот и кромидот за фил. Едната половина од тестото развлечете го, попрскајте со масло и ставете од филот, па завиткајте во ролат. Завитканиот ролат ставете го во подмачкан плех. Така направете и со другата половина од тестото. Премачкајте одозгора со две лажици масло. Печете ја питата во претходно загреана рерна на 200 степени додека да зарумени.