Домат – чувар на срцето полн со витамини

Иако првата асоцијација со доматите е салатата, овој зеленчук е многу повеќе од тоа.

Доматот е полн со растителни влакна, витамини, минерали и фитонутриенти и затоа е незаменлив на секоја маса. Богат е со витамини Б6, Ц и К, содржи бета каротен, биотин, ниацин, калиум, фосфор, калциум, железо, цинк и селен, како и многу органски киселини како што се лимонска и јаболкова, кои го одредуваат карактеристичниот вкус на доматите.

Поради високата содржина на антиоксиданси, доматот е вистински еликсир на здравјето. Комбинираното дејство на железо, витамин Ц, кое го содржи доматот, помага во синтеза на хемоглобин и создавање на нови црвени крвни клетки, што помага да се спречат или третираат разни видови на анемија.

Бидејќи содржи витамин Ц, калциум и фосфор, доматите се многу добри за здравјето на коските и забите.

Доматот ја подобрува работата на срцето помагајќи да се намали крвниот притисок поради високата содржина на калиум. Исто така, ја спречува оксидацијата на холестеролот, што е еден од првите чекори во формирањето на атеросклеротични плаки.

Ликопенот, кој се наоѓа во доматите, ја подобрува способноста на кожата да се заштити од штетните УВ зраци. Бидејќи е богат со витамини А и Ц, го прави корисен со намалување на стареењето на кожата и отстранување на несовршеностите на кожата.

Високата содржина на калиум и фосфор во сокот од црвен домат помага да се ублажат симптомите на стрес и замор, како и да се ублажат грчевите во мускулите.

За да ги искористите сите овие лековити својства на доматите, можете да ги јадете сурови или варени во различни јадења.