Донација за сиромашни семејства во Гостивар по повод Денот на борба против гладта

Дваесетина социјално загрозени семејства од Гостивар добија пакети со прехранбени продукти во рамки на одбележувањето на Денот на борба против гладта, 16 октомври. Акцијата ја организираше здружението  „When in Trouble” во соработка со хуманитарното здружение „Д-р Трајче Нешковски“, кое за таа цел ги намени средствата донирани на вчерашниот Меморијален турнир.

„Со делење на пакети со храна на најзагрозени семејства го одбележавме Меѓународниот ден на борба против гладта. Актуелната криза е дополнителен удар за социјално загрозените граѓани и сакавме на овој начин, во рамки на можностите, да им излеземе во пресрет, барем малку да им помогнеме со основни намирници“, вели претседателката на „When in Trouble”, Билјана Беловинова.

Здруженијата упатија благиодарност до сите донатори кои ја поддржаа акцијата и изразија подготвеност за натамошна соработка со цел да им се помага на граѓаните од ранливи категории.