Дополнителниот заменик министер Петровска во посета на ПС Гостивар

Генерално, состојбата на подрачјето во надлежност на СВР Тетово и од аспект на безбедноста и од аспект на справување и откривање на разните видови криминалитет е стабилна и бележи нагорен тренд во расветлувањето на кривичните дела, соопшти МВР по работната средба на дополнителниот заменик министер за внатрешни работи Славјанка Петровска со раководството на СВР.

„Петровска беше информирана и за активностите што СВР Тетово ги презема во контекст на претстојниот избирачки процес, а во насока на обезбедување на мирни, демократски и фер парламентарни избори. На состанокот Петровска, особено нагласи, дека е од императивно значење полицијата целосно да ги испочитува своите обврски и надлежности во поглед на изборните норми, а се со цел да им се овозможи на сите наши граѓани слободно, непосредно да ја изразат својата граѓанска должност.“, извести службата за информирање на МВР.

Во рамки на работната посета на овој сектор за внатрешни работи, Петровска беше и во Одделението за внатрешни работи Гостивар и Одделението за безбедност на патниот сообраќај Гостивар.