Поврзи се со нас

Гостивар

Дорис Димовска, млада музичка надеж од Гостивар подготвена да ја освојува сцената

Објавено

на

Во интервјуто со младата музичка надеж, Дорис Димовска која потекнува од Гостивар, откриваме како нејзината љубов кон музиката започнала уште од најрана возраст и како оваа страст прераснува во музичка кариера. Разговараме за нејзините почетоци, како и за улогата на нејзиното семејство во поддржувањето на нејзиниот талент.

Дорис ни раскажа и за нејзините учества на меѓународни музички натпревари, достигнувања и идни планови кои ветуваат светла иднина за оваа млада уметница. Со неизмерна посветеност и инспирација, таа е подготвена да ја освојува музичката сцена.

На која возраст почна да пееш и кога сфати дека тоа е нешто со кое сакаш сериозно да се занимаваш?

Дорис Димовска: Љубовта кон музиката си дојде сосема природно и спонтано, односно првично почна како едно мое хоби, за да тоа подоцна прерасне во професионална љубов кон музиката. Почнав да пеам од мојата најрана возраст, тоа е некаде од мојата втора година, а професионално почнав да се бавам со музика од 2019 година кога големите Ана и Игор Дурловски ја отворија Академија Дурловски. По препорака на Ана Дурловски моето школување во 2021 година го продолжив во Музичкото училиште Андријана Јаневска под менторство на Андријана, каде сум и ден денес.

Дали доаѓаш од музичко семејство? Како семејството влијаеше на твојата музичка кариера?

Дорис Димовска: Не доаѓам од музичко семејство, поточно јас сум единствената од нашата фамилија, како од страната на татко ми, така и од страната на мајка ми, што се бави со музика. Моите родители се тие кои ме насочија кон музиката, односно ме поддржуваат во музичката кариера, поточно најголема заслуга за тоа има мајка ми која точно знае каде да ме насочи, во смисла на избор на песна, на натпревар, а посебно на мојот стајлинг кога настапувам.

Дали свириш на некој инструмент и кој инструмент ти е предизвик?

Дорис Димовска: Во септември оваа година за прв пат ќе започнам со изучување на музички инструмент, поточно со изучување на пијано во Музичкото училиште на Андријана Јаневска, бидејќи изминативе години сакав целосно да се посветам само на пеењето.

Како го балансираш училиштето и пејачката кариера?

Дорис Димовска: Со оглед дека образованието односно училиштето секогаш ми било во прв план, љубовта кон музиката односно професионалното бавење со музиката не предизвика никава промена во моите училишни обврски, дури можам да кажам дека тоа ме направи да станам уште подобар, посветен и самоуверен ученик. Имено, со оглед дека сега го завршив основното образование во ООУ „Димитар Поп Георгиев Беровски“ Скопје, морам да се пофалам дека ме избраа за ученик на генерација кој придонел во музичката уметност за кое добив Пофалница за постигнат особен успех во музичката уметност.

На кои музички натпревари за пеење имаш учествувано и каде?

Дорис Димовска: Во изминатиов период имам настапувано на повеќе интернационални натпревари, во смисла: „Перформанс куп“ (Performans Cup) во Италија, на интернационалниот детски фестивал „Глас на ѕвеѕди”(International Children’s Music Festival Voice of the Stars) кoj се одржа во Загреб,на „Waf Contest“ кој се одржа во Скопје, „Art Festival“  кој се одржа во Кавадарци, но и на повеќе online интернационални фестивали како што е „Златен глас”(Golden Voice) во Малта, „Гласот на Афродита”(Aphrodite Voice) во Кипар, „Културниот фестивалски караван“ (Culoture Caravan festival) во Полска.

Кое е твоето најголемо достигнување?

Дорис Димовска: Иако имам настапувано на повеќе натпревари од каде секогаш сум доаѓала со награди, сепак според мене најголемо достигнување беше последниот настап на патронатиот празник на моето училиште на кој ги отпеав песните „Заветна”, „Ваташа” и  „Мојата Македонија”, како и мојот настап на Јубилејниот концерт на Фолклорното студио „Етнос“ каде настапив со песната „Ој ти момче охриѓанче“ каде неочекувано, но сепак реално, истите добија голема слушаност и гледаност.

Кога би можела да настапуваш било каде во светот, каде би било тоа?

Дорис Димовска: Мојата замислена сцена отсекогаш била Америка, но колку од тоа ќе се оствари ќе го оставам како мој предизвик.

Која музика ти е омилена?

Дорис Димовска: Најчесто пеам балади од Celine Dion, но одвојувам време и за поп музика, односно песните од Taylor Swift, Ariana Grande, Adele и многу други.

Сподели некои твои идни планови и желби на полето на музиката…

Дорис Димовска: Ново во блиска иднина е моето учество на Bravo festival кој ќе се одржи на 13 октомври во Шпанија на кој ме избраа да ја претставувам Македонија. Воедно, во меѓувреме се подготвувам за учество на еден од нашите фестивали, но околу деталите за истиот не би сакала сеуште ништо да зборувам, додека истото не биде официјално, за тоа ќе ве известам во некој наредна прилика.

Сподели ја веста:

Маркетинг

Advertisement
Advertisement
Advertisement

сите дневни вести на Телеграм:

Гостиварпред 3 недели

Гостиварецот Гоце Димовски нов директор на Дирекцијата за ТИРЗ

Гостиварпред 4 недели

Дорис Димовска, млада музичка надеж од Гостивар подготвена да ја освојува сцената

Македонијапред 1 недела

Денес се слави Петровден

Регионпред 4 недели

Во Црна Гора се отвора првата плажа за жени со хиџаб

Гостиварпред 1 недела

Викендов 61 издание на Галичка свадба

Гостиварпред 3 недели

Трагедија во Маврови Анови: Починал малолетник откако врз него паднал бојлер

Гостиварпред 3 недели

Повеќе здравствени установи со нови в.д. директори, Танер Хасан на чело на Клиниката за ендокринологија

Гостиварпред 3 недели

Разрешен директорот на болницата во Гостивар, кој ќе биде назначен за в.д.?

Македонијапред 3 недели

МојДДВ продолжува со примена, за Граѓанскaта обврзница ќе треба да се врати довербата во системот-рече Димитриеска-Кочоска

Гостиварпред 4 месеци

Света архијерејска Василиева литургија во Гостивар со гости од Србија и чин на ракоположување

Гостиварпред 4 месеци

Со љубов и почит кон корените – „Танец“ одржа концерт во Гостивар

Гостиварпред 6 месеци

Водици 2024 Гостивар: Осветени водите на Вардар – Бог се јави, Навистина се јави!

Гостиварпред 7 месеци

Ангелчињата во Гостивар го најавија Христовото раѓање-Бадникова поворка 2024

Спортпред 8 месеци

По првиот круг од сезоната КК Гостивар „виси“ на 8-та позиција на табелата

Спортпред 8 месеци

Кехинде од пенал му пресуди на Македонија Ѓорче Петров 1-0

Гостиварпред 11 месеци

Стефановски: Гостивар одличен како домаќин и публика, благодариме од срце!

Спортпред 11 месеци

ФК Гостивар загуби на домашен терен од Силекс 1-2

Гостиварпред 12 месеци

Осветена црквата „Св.Климент Охридски“ во Пожаране: Да го чуваме православието, секој храм е парче небо на земјата!

Огласи за работа:

Advertisement

Популарно изминативе 100 дена