Карантин со 5 ѕвезди за ноќевање од 500 до 5000 франци

Луксузен ланец на апартмани во Швајцарија, им нуди на богатите жители карантин со пет ѕвезди со приватен доставувач, доктор и тестирање на коронавирус. 

Со 42 соби, кон крајот на февруари, Ле Бију имаше се помалку резервации кога беа регистрирани и првите случаи на коронавирус во земјата, а епидемијата брзо се прошири во соседна Италија. Некои богати гости резервирале невообичаено долги престои од две недели или повеќе и многумина барале посета на доктор.

„Сфативме дека треба да понудиме нова услуга и да се прилагодиме што е можно поскоро на новата ситуација. Тогаш понудивме станови за карантин “, објаснува ко-основачот и сопственик на ланецот Александар Хубнер, пренесува AFP.

„Гостите кои сакаат да ги следат препораките за социјално дистанцирање можат да дојдат во нивниот луксузен апартман без да се сретнат со портирот и персоналот, можат да порачаат намирници или оброци кои ќе бидат оставени пред нивната врата. Ако сете се нашле во Швајцарија и сте добиле самоизолација, ова е веројатно најдоброто решение“, вели Хубнер.