Дозволи за градба Гостивар: Во февруари рекорд, во април и мај ниту една

За пет месеци од годинава, на подрачјето на општина Гостивар издадени се вкупно 170 одобренија за градба. Од податоците кои ги објавува Државниот завод за статистика може да се забележи дека најмногу дозволи биле издадени во февруари, вкупно 98. Бројката во март опаднала на 35, додека во месеците април и мај во Гостивар не е официјализирано ниту едно одобрение за градење.

Последното соопштение на ДЗС од оваа област, е токму за мај. На територијата на цела Македонија издадени се 241 одобрение за градење, што е за 17,5% помалку во однос на истиот месец лани. Од нив 133 се наменети за објекти од високоградба, 39 за објекти од нискоградба и 69 за реконструкција. Во 56 случаи како инвеститори се јавуваат физички лица, додека за останатите, инвеститори се деловни субјекти.

Во целиот полошки регион во мај биле издадени 18 дозволи, од кои најмногу во Тетово.