ДПА во Чегране го претстави кандидатот за градоначалник на Гостивар

„Сакам да нагласам дека токму во вашата општина, во Гостивар ве лажат десет пати повеќе отколку во секој друга. Единствена опозициска кандидатура на Локалните избори е оваа од ДПА, затоа што кандидатите од ДУИ и Алијансата за Албанците се од власта, заедно во Владата, а кандидатот од БЕСА е кандидат кој секогаш давал поддршка на власта. Ако тие ви кажат дека полесно можат да обезбедат финансиски средства за проекти ве лажат. Веќе 15 години се на власт и ништо не направиле“, изјави лидерот на ДПА, Мендух Тачи вчеравечер во Чегране каде партијата го претстави кандидатот за градоначалник Себајдин Изаири.

„Јас нема да зборувам пред вас за проекти кои не можам да ги реализирам, туку ќе дадам збор дека ќе бидам со граѓаните во сите нивни барања, почнувајќи од проектите во сферата на инфраструктурата, образованието, спортот. Ќе ги поддржуваме бизнисите и ќе овозможиме нови вработувања“, рече Изаири пред присутните.