Дрвото на животот, кое со години тврдоглаво виси над површината

На ерозиран и делимично изрушен брег на плажата Калалоч во националниот парк Олимпик во Вашингтон, се наоѓа уникатно дрво кое со години тврдоглаво виси над површината на земјата, држејќи се за само неколку корени.

“Осамените дрвја, ако воопшто израснат, ќе израснат во силни дрвја“ – Винстон Черчил

Поради тоа што навидум одамна требало да биде мртво, станало познато како Дрво на животот. Некои го сметаат за волшебно, други за бесмртно, а некои за многу отпорно и упорно.

Вистинско чудо е што дрвото сеуште е живо, како и тоа што од година во година повторно и повторно разлистува и покрај тоа што под него нема подлога. Уште едно вистинско чудо е што дрвото никогаш не е превртено и покрај силните ветрови и невремиња кои го погодуваат овој брег.

“Спознавајќи ги дрвјата, го разбирам значењето на трпението, спознавајќи ја тревата, ја разбирам упорноста“ – Хал Борланд

Оваа ситканска смрека никогаш не добила свое официјално име, па луѓето ја нарекуваат со различни називи како “дрво на животот“ и “бунтовното дрво“. Според различни извештаи, празнината под дрвото настанала поради мал поток кој тука си го нашол својот пат до океанот и кој со децении го уништува тлото под самото стебло.