Државни субвенции за рурален туризам

Министерството за економија минатата недела објави оглас за финансиска поддршка за домаќинства кои даваат угостителски услуги во рурални средини.

Во огласот е наведено дека домаќинствата треба да ги исполнат следните критериуми: објектот да е уреден и опремен согласно традицијата на крајот во кој се наоѓа, да подготвуваи послужува топли и ладни јадења, пијалаци и напивки вообичаени за крајот во кој се наоѓа селското домаќинство, да нуди услуги за сместување (најмногу до 5 соби), надворешниот изглед на куќата да биде без оштетување и знаци на дотраеност, а околината да биде уредена.

Субвенциите се во износ од 60% од докажаните трошоци, но не повеќе од 200.000 денари, а парите се наменети за уредување, опремување и реновирање на објектот согласно традициите на крајот во којшто се наоѓа.

Рокот за аплицирање е до 30 септември 2022 година.