Државниот карантин се заменува со самоизолација ако имате негативен тест на корона

Владата донесе измени на одлуката за спроведување на задолжителен државен карантин на македонските државјани вратени од странство со хуманитарни летови или конвои. Со новите промени, доколку лицата кои влегуваат на територијата на Македонија приложат ПЦР тест за коронавирус со негативен резултат направен во последните 72 часа пред да влегување, наместо во задолжителен државен карантин, се упатуваат во задолжителна домашна самоизолација.

Наместо задолжителен државен карантин, задолжителна домашна изолација се определува и за странци за кои Главниот координативен кризен штаб одлучува во случаи на постоење на државен или економски интерес, и кои ќе приложат соодветна медицинска потврда со негативен резултат од ПЦР тест, со задолжително придржување до протоколите од Комисијата за заразни болести при Министерството за здравство.