• Дата: 12/03/2018

Државниот завод за статистика испрати појаснување за одобренијата за градба во Гостивар

Државниот Завод за статистика до нашата редакција испрати појаснување кое се однесува на издадените одобренија за градба и демантот на општина Гостивар. Појаснувањето го пренесуваме во целост:

„Во врска со Соопштението на Секторот за урбанизам на општина Гостивар во однос на податоците за издадени дозволи за градба, објавено на 10.03.2018 на порталот Gostivarpress.mk, а преземено и на многу други портали, под наслов:

„Демант од општина Гостивар: ДЗС не ги ажурира податоците, не е точно дека немало дозволи за градба во јануари” ,

би сакале да појасниме дека податоците за издадени одобренија за градење се преземаат од електронскиот систем за издавање на одобренија за градење, со директен пристап од веб-страницата на Заедницата на единиците на локалната самоуправа, а за кој се надлежни Министерството за транспорт и врски и Заедницата на единиците на локалната самоуправа.

Предмет на обработка се правосилните одобренија за градење, кои подлежат на клаузула за правосилност.  Примерокот од одобрението за градење на кој е ставена клаузула за правосилност се скенира и се прикачува во информацискиот систем Е-одобрение за градење. Потоа Државниот завод за статистика ги презема овие одобренија од тој систем.

Државниот завод за статистика информира дека ја потврдува точноста на веќе објавените податоци“.

 

Оставете коментар

Вашата Емаил адреса нема да биде објавена.Задолжителните полиња се означени *

*