ДУИ ги утврди кандидатите за градоначалници, Невзат Бејта за Гостивар, Неби Реџепи за Врапчиште…

ДУИ на состанок на Генералниот совет на партијата, што се одржа денес во Гостивар ги утврди кандидатите за градоначалници за 17 општини, со кои излегува на престојните локални избори.

На состанокот едногласно за кандидати за градоначалници беа избрани:

Невзат Бејта – Гостивар
Теута Арифи – Тетово
Неби Реџепи – Врапчиште
Ејуп Абази – Студеничане
Суат Шаќири – Чашка
Хекуран Дука – Дебар
Еркан Арифи – Липково
Рамиз Мерко – Струга
Фатмир Изаири – Желино
Бесник Емшиу – Боговиње
Нухи Незири – Теарце
Али Јаоски – Пласница
Аркин Јахии – Брвеница
Блерим Беџети – Сарај
Висар Ганиу – Чаир
Фатмир Дехари – Кичево
Ридван Ибрахими – Арачиново

Исто така се утврди и носителот за листата на советници на град Скопје, Ардијан Муча.

Во текот на состанокот претседателот на Демократската Унија за Интеграција, Али Ахмети направи резиме на минатата година во однос на актуелните политички случувања во земјата и регионот. „Победата на Демократската Унија за Интеграција на локалните избори несомнено ќе ја следи уште поголема грижа за животната средина, редовно одржување на патната инфраструктура, регулирана водоводна и канализациона мрежа, модерна спортско-рекреативна инфраструктура, добро реновирани, одржувани и нови училишта.“, соопштија од партијата.

По состанокот Бујар Османи во својство на портпарол на партијата изјави дека се убедени во најголемата победа на локални избори до сега.

„Состанокот се одржа во една позитивна атмосфера, ентузијазам и силно убедување дека ДУИ ќе ја оствари најголемата победа на локални избори. Така е поради изградениот кредибилитет кај граѓаните и поради тоа што во комуникација со граѓаните се направи најдобрата селекција на кандидати“, рече Османи.