ДУИ Гостивар: Таравари да не зборува за метла, туку за почитување на законите за образование

Огранокот на Демократската унија за интеграција во Гостивар реагираше на изјавата на градоначалникот Арбен Таравари дадена во врска со најновите смени на директорите во гостиварските училишта.

„Предлагаме Тарвавари да не зборува за метла, туку за почитување на законот за основно и средно образование. Директорите кои се враќаат на должност во согласност со закон и процедурите ги охрабруваме да започнат судска постапка против Таравари за непочитување на законот за основно и средно образование и за непочитување на службената должност. Да бараат судска правда за било какви злоупотреби и криминални дејства што се извршени во гостиварските училишта во периодот што го оставивме зад себе.“, се наведува во соопштението од гостиварскиот огранок на ДУИ.