ДУИ и иницијативата пуштија видео пред општина: „Ниту едно од клучните ветувања на Таравари не е исполнето“

Форумот на млади на ДУИ и граѓанската иницијатива „Гостивар кој го сакам“ поставија видео бим пред општинската зграда, наредија столчиња и проектираа видео со изјави од актуелниот градоначалник Арбен Таравари.

-Ова се неисполнетите ветувања, лаги и скандалозни настапи во јавноста на градоначалникот во заминување. Граѓаните на Гостивар мора да ја знаат вистината. Ниту едно од клучните ветувања на Таравари не беше исполнето во четиригодишното лошо управување со Општина Гостивар. Ние денеска не зборувавме за Таравари, тој зборуваше за себе и покажа како потфрли во својот мандат. Таравари нема што повеќе да им понуди на граѓаните на Гостивар. Толку згреши што успеа да се појави на „Фикс Фаре“, наведоа во соопштение од Младинскиот форум на ДУИ.

Во видеото што го пуштија беа ставени изјави за проблемите со кучиња-скитници, депонијата Русино, сообраќајот, коцкарниците итн.