ДУИ со прес пред ВМРО-ДПМНЕ: Го нарекоа Таравари неспособен, а сега им го нудат на своите гласачи

Огранокот на Демократската унија за интеграција во Гостивар денес одржа прес конференција пред штаб на ВМРО-ДПМНЕ на ул„Гоце Делчев“. Најпрво пуштаа снимки од изјави дадени од пратеничката Дафина Стојаноска во време кога Арбен Таравари беше министер за здравство, по што и‘ упатија прашање.

„Имаме прашање до пратеничката од оваа партија од нашиот град Дафина Стојаноска која во јуни 2017 година за трагедијата во село Симница изјави дека тогашниот  министер за здравство Арбен Таравари бил неспособен и тогашниот систем за здравство под негово водство три месеци беше уништен. Во тоа време пратеничката Стојановска го обвини Таравари кој набљудуваше од луксузите хотели во САД како умираат луѓе од епидемијата што можела да се спречи, и токму затоа од него бараше оставка. Потсетуваме дека двајца жители на Симница ги загубија животите од болеста, а десетици се заразија. Прашуваме зошто им го нудат на своите гласачи, да го гласаат човекот кои самите го нарекоа неспособен.“, рече Лек Далипи, кандидат за советник од листата на ДУИ