Дупка на патот? – Пријавете преку мобилна апликација

Авто Мото Сојузот на Македонија реализира нов проект наречен „Мој Пат“ со кој граѓаните може да алармираат за проблеми на локалните, магистралните и регионални патишта во државата. Проектот вклучува бесплатна мобилна апликација и веб платформа, кои може да ги користат сите учесници во сообраќајот: возачи, пешаци, велосипедисти. Целта е да се идентификуваат и пријават недостатоците, како дупки по коловозите, оштетувања и слично за навремено да се отстранат со што ќе се придонесе за зголемување на безбедноста во сообраќајот.

Корисниците на мобилната апликација и на веб платформата ќе можат да го следат статусот на пријавените недостатоци на патиштата до нивното конечно отстранување.
АМСМ апелира граѓаните да ја користат бесплатната мобилна апликација „Мој пат“ која е наменета за андроид и iOS базирани мобилни телефони или да ја користат платформата www.mojpat.mk. Со пријавувањето може да се прикачи и слика и да се даде опис на проблемот.

Проектот е поддржан од Министерството за транспорт и врски, Министерството за внатрешни работи и Јавното претпријатие за државни патишта.