Два ефикасни домашни лека против кашлица

Сувата упорна кашлица знае да биде многу непријатна и да го исцрпи организмот. Во аптеките, секако постојат бројни препарати за смирување на кашлањето, но нема ништо подобро од приридно подготвен домашен лек. Ви презентираме токму два такви рецепти.

Сируп од ловоров лист:

-300 мл. вода

-10 ловорови листа

– 6 лажици кафеав шеќер

– 1 лимон

Подготовка: Затоплете ја водата, додадете ги листовите од ловор и варете со затворен капак околу 6-7 минути. Потоа извадете го ловорот, а течноста ставете ја во сад во кој ќе го додадете шеќерот и исцедениот лимон. Сето тоа измешајте го добро, за да се стопи шеќерот. Се конзумира по една лажичка, неколку пати дневно.

Сируп од кромид:

-250 гр. кромид

-250 гр. кафеав шеќер

-1 литар вода

-1 лимон

Подготовка: Кромидот се лупи и убаво се мие, па се сече на тркалца и се става да се вари во водата каде претходно е измешан шеќерот. Треба да се вари 60 минути, потоа кромидот се отстранува, а течноста се собира во сад, па се додава сокот од лимон. Се пие по 30 мл. дневно.