Два големи грабежи во Гостивар

Претставништвото на Western Union и куќа во централното градско подрачје во Гостивар настрадале од крадци.

Како што информираат од Секторот за внатрешни работи, од експозитурата на компанијата за трансфер на пари, лоцирана на на булеварот „Браќа Ѓиноски“ бил одземен сеф со околу 10 илјади евра. Засега непознати сторители, насилно ја отвориле бравата од алуминиумската влезна врата и сефот со пари го нашле во бирото. Покрај сефот, украле и помала сума на денари во метални монети, кои се наоѓале во стаклена чаша над бирото и стари, екс-ју монети.

Кражбата во полиција утрово ја пријавил сопственикот на објектот. Извршен е  увид, подигнати се траги за вештачење и се работи на целосно расветлување, соопштуваат од полицијата.

Вториот грабеж се случил во куќа, лоцирана во централниот појас на градот, близу општинската зграда. И во овој случај крадците „дебело“ се офајдиле. Повеќе информации ќе се знаат по завршување на увидот.