Два нови случаи на морбили во Гостивар

Во екот на епидемијата на морбили во земјава, на подрачјето на Гостивар регистрирани се два нови случаи на заболени.
Според информациите од Институтот за јавно здравје, од 16 до 22 март на државно ниво пријавени се вкупно 104 новозаболени, од кои 74 случаи се од Скопје, при што 60,8% од нив се непотполно вакцинирани, невакцинирани или со непознат вакцинален статус.
Гостивар е меѓу неколкуте градови во кои има по два нови пациенти заразени од мали сипаници, со што вкупниот број на заболени достигна девет.
Активни епидемии на мали сипаници во моментот има во четири здравствени региони: Скопје, Тетово, Куманово и Гевгелија.