Два одлични рецепти за напитоци кои го прочистуваат организмот

Нездравите оброци, пиење газирани и алкохолни пијалоци, физичката неактивност го преоптоваруваат човековото тело со штетни материи, токсини. Затоа препорачливо е одвреме навреме секој од нас да направи прочистување на организмот. Секако, освен некои напитоци на природна база кои може да помогнат во тоа, пожелно е да се направат и одредени промени во навиките со исхраната, барем во временски период од 3-4 недели.

Во продолжение ви пренесуваме два рецепти за напитоци за детоксификација.

Утрински прочистувачки напиток

состојки:

1⁄2 филџан ладен зелен чај

1 банана

сок од половина лимон

Исцедете го лимонот и измешајте го сокот со бананата, која претходно ќе ја изблендирате.  Потоа измешајте со зелениот чај и напитокот испијте го веднаш за ефектот врз црниот дроб да биде што појак. Поради високите антиоксидантни вредности, зелениот чај генерално е вклучен во секоја програма за детоксикација, особено затоа што има способност брзо и ефикасно да прочистува.

Ноќен прочистувачки напиток

состојки:

1⁄2 лажица куркума

парче свеж ѓумбир со големина на орев

сок од еден лимон

1⁄2 чаша вода

Исцедете го лимонот, изрендајте го ѓумбирот, а потоа измешајте ги сите состојки заедно. Овој пијалок служи како одлична превенција за камења во жолчката и ефикасно го чисти црниот дроб. Куркумата е одличен зачин за лекување на какви било проблеми со органите за варење, а воедно го штити организмот од разни вируси.