Два случаи на семејно насилство во Гостивар

Ноќеска (13 февруари) околу 3 часот и 30 минути во Гостивар, полициски службеници на СВР Тетово-Одделение за внатрешни работи Гостивар го привеле 38-годишниот гостиварец Ј.Б, кој претходно бил пријавен од неговата 59-годишна мајка дека агресивно се однесувал во нивниот семеен дом и ја оштетувал покуќнината, а со агресивно однесување продолжил и по приведувањето.

Тој е задржан во Полициската станица Гостивар за целосно расчистување и документирање на случајот, по што ќе му биде изготвен соодветен поднесок, извести полицијата.

Вчера (12 февруари) во Полициската станица Гостивар задржан е 27-годишниот М.С. од гостиварско село, кој на 5-ти овој месец бил пријавен од невенчаната сопруга на неговиот 54-годишен татко дека физички ја нападнал. „Според пријавеното, тој во нападот користел и метален предмет. Се расчистува и документира случајот.“, стои во соопштението на СВР.