Двајца измамници одзеле пари од 86-годишен гостиварец

Осумдесет и шестгодишен гостиварец вчера (4 април) во 13 часот и 20 минути во СВР Тетово пријавил дека на 30-ти минатиот месец, пред менувачница во Гостивар, бил измамен од две машки лица, едното наводно од Словенија, а другото од скопско Волково, кои му побарале денари за да видат како изгледаат за да не погрешат при купување на златен накит.

Според пријавеното, тој им дал извесна сума пари од пензијата, а тие му оставиле лажен накит (дијамант) како гаранција дека ќе се вратат и ќе му ги донесат денарите. По подолго чекање сфатил дека бил измамен и случајот го пријавил.

Се расчистува и документира случајот.