Двајца повредени во несреќа на автопатот Гостивар – Тетово

Сопатничка и возач на автомобил завршиле со повреди во сообраќајна несреќа која доцна попладнево се случила на автопатот Гостивар – Тетово, во близина на клучката за селото Камењене. Од СВР Тетово информираат дека во несреќата учествувале еден камион и две патнички возила: „голф“ со косовски регистерски ознаки и „мерцедес“ со скопска регистрација.

Возачот на „мерцедесот“ на возраст од 31 година поминал со полесни телесни повреди, додека сопатничката 25 годишна девојка се задобила со повреди од потежок карактер – скршеница на раката и скршен пршлен. По пружената помош во тетовската болница, повредената била пренесена на скопските клиники.

Увид на местото на настанот извршиле екипа на СВР Тетово и јавен обвинител.